Stichting Mien Westerkwartier gijt dit joar een film moaken, die veur t ende van t joar op DVD uutbrocht wordt. Op de DVD mooie shots van aparte plakjes ien t Westerketier, moar ok opnoamen van schrievers, dichters en muzikanten uut dizze streek. Ok vertelt de film m kört verhoaltje over n jong wichtje dat verliefd wordt op t Westerketier.

De opnoamen goan ien augustus van start en beide filmmoakers Ben Zielstra en Wobbe Gorter bennen al drok bezig met veurwaarkl.

De DVD moet half november ien e winkel leggen en fungeert ankommend joar as Kammeroaden geschenk. Bedrieven of instellings die interesse hemmen om dizze uniek DVD ien t kerstpakket op te nemmen, kennen contact opnemen met e veurzitter.

Elk joar wil Stichting Mien Westerkwartier een biezunder toalproduct uut e streek moaken. Veurig joar was t de succesvolle CD "Moest Heuren" met verhoalen en verskes van Reinder W Hiemstra. Doar bennen host 1000 van verkocht, dus een oardifg succes.

Dizze keer een DVD met meerdere zangers, zangeressen, dichters en verhalenvertellers uut t Westerkwartier. Het sprekt veur zich dat host alles ien de streektaal opnommen wordt. De beelden worden moakt op diverse kenmerkende plaatsen in het hiele Westerkwartier, van noord tot zuud. De rode droad, die de beelden en artiesten aaneen riegt, is een wichtje dat op zoek noar heur vriend ien t Westerketier zelf een vriend van e streek wordt. De artiesten is vroagt om met wat nijs te kommen, zodat elkeneen dizze zummer drök aan t schrieven en componeren moet.

Van e muzikoale bijdroagen worden ok aparte video-clips moakt veur de (regionoale) TV en het internet. Dreks ok een mooi promotie-middel veur de moaker. De stichting het al een aantal mensen (bv Sijtse Scheeringa, Gert Sennema , Klaas Duursma en Vera Sutman) vroagt of ze met willen doen. Ien t kört kommen ze veur t eerst bij mekoar om verder te proaten.

Puutholler Omke Oudeman is nog op zoek noar wat extra centen. ‘Dat ken ien e vörm van een subsidie, moar we bennen ok hiel tevreden met bedrieven, die veuroaf al garant stoan veur de ofnoame van een moo aantal DVD's. Ze goan ien e winkel een tientje kosten, moar veur grootgebruukers ken er altied een mooi prieske moakt worden. Dizze DVD dut t goed met Sunterkloas, onner de kerstboom of ien t kerstpakket, moar ik denk dat ok menig bezoeker van t Westerketier het DVD-tje met nemt as een mooie herinnering aan het verblief ien t Westerketier".

Bedrijven of instellingen die belangstelling hebben, kunnen contact opnemen met het bestuur of een e-mail sturen naar Dit e-mailadres is beschermd tegen spambots. U heeft Javascript nodig om het te kunnen zien. . De ‘kammeroaden’ (donateurs) van de stichting krijgen ook allemaal een DVD, wie nu ‘kammeroad’ wil worden, kan zich aanmelden via het hiervoor genoemde mailadres en verzekert zich van een exemplaar.