|
De Drenten hemmen t mooi veur mekoar. Ze hemmen al joarenlang "Taal an toafel', zundagochtenden met poezie, zang, verhoalen en muziek ien streektoal, onder het genot van lekker eten. Moeten wij ok es doen.
Op zundag 18 oktober is de eerste oflevering van dit seizoen ien restaurant “De Klokbeker” ien Norg. De Drentse schrievers Anne Doornbos en Martin Koster presenteren dan tussen 11.00 en 14.00 uur onner t genot van kovvie en waarm buffet de eerste Taal an Taofel van t winterseizoen met as gasten Willem Pol, Klaas Koops en Geert Jan Brader.
Taal an Taofel is er ook nog op de zondagen 22 november 2009, gasten Aly Freije, Jan Veenstra & Ton Peeters, Luc Oostra & Jan Kuipers , 14 februari 2010 met Delia Bremer & Ria Westerhuis, Gerard Stout, Bert Hadders & band en 21 maart 2010 Martin Kosters, Riek van der Wulp, Theo Bruinsma & Ivar Reuvers.
De entree, met n kop koffie, middageten en optredens, is €16 reserveren en €18 aan de zaal, Niet veul geld (zeker veur zuunige Grunnegers). Wil je henne, reserveren bij de Klokbeker, ( 0592-614130 of
Dit e-mailadres is beschermd tegen spambots. U heeft Javascript nodig om het te kunnen zien.
).
En welke Westerketierder restaurantholler durft dit ok aan. Mien Westerkwartier dut vanzelf met! |
|
Dizze week is een begun moakt met het filmen veur de Mien Westerkwartier DVD.
Al was t niet zuks mooi weer, Ben Zielstra en Wobbe Gorter stapten ien e olde rooie eens van Kammeroad Koos Wiersma en gingen op pad, om alvast wat ploatjes te moaken. Ondertussen bennen de muzikanten drok ien e weer met de vier liedjes die op de DVD kommen te stoan. Sijtse Scheeringa is koploper, zien opnoames bennen kost kloar.
Piet Buist, Gert Sennema en Vera Sutman duuken ien t kort de studio ien.
|
|
Stichting Mien Westerkwartier gijt dit joar een film moaken, die veur t ende van t joar op DVD uutbrocht wordt. Op de DVD mooie shots van aparte plakjes ien t Westerketier, moar ok opnoamen van schrievers, dichters en muzikanten uut dizze streek. Ok vertelt de film m kört verhoaltje over n jong wichtje dat verliefd wordt op t Westerketier.
De opnoamen goan ien augustus van start en beide filmmoakers Ben Zielstra en Wobbe Gorter bennen al drok bezig met veurwaarkl.
De DVD moet half november ien e winkel leggen en fungeert ankommend joar as Kammeroaden geschenk. Bedrieven of instellings die interesse hemmen om dizze uniek DVD ien t kerstpakket op te nemmen, kennen contact opnemen met e veurzitter.
|
|
Lees meer... [Nije DVD op komst]
|
|
t Weer was goed, t publiek was ruum opkommen en e dichters wadden in vörm. Wat wil je nog meer om een mooie middag te hemmen. Koos van der Goot, Jan Blaauw, Coby Poelman-Duisterwinkel, Willem Tjebbe Oostenbrink en Melle Hylkema stonden ien t veld en tussendeur speulden Piet Buist, Esther Goedhart en Boukje van der Heide mooie Westerketierder verskes.
De ploatjes stoan hier. |
|
Mooi resultoat Schriefwedstried |
Dat ging niet verkeerd doar ien Provinciehhuus ien Stad. Drie kandidoaten uut t Westerketier deden met aan e finale van e Grunneger Schriefwedstried en alle drie kwamen ze met n pries weerom. Burgemeester Kor Dijkstra van Grootegast, ok veurzitter van Stichting Grunneger Toal, mocht de priezen uutlangen en dee dat weer met verve.
Willem Tjebbe Oostenbrink ging er met een eerste pries vandeur bij de poëzie boven 18 jioar. Jaccoliene Smits was derde bij poëzie tot 18 joar en Geert Zijlstra was derde bij de proza boven 18 joar.
Een mooie opsteker veur t Westerketiers en dat moet joe aanjoagen om de pen ok weer te griepen en weer es wat noar onze website te sturen.
|
|
Lees meer... [Mooi resultoat Schriefwedstried]
|
|
|
|
|
<< Start < Vorige 1 2 3 4 Volgende > Einde >>
|
|
Pagina 2 van 4 |
Older Nijs 
