We moeten t  Westerketiers promoten

Want ander gijt het nor de ………….

Nee dat woord dat zeg ik niet weer,

T is niet volwassen en t dut zeer.

Jim wieten wat ik der met bedoel.

K heb snel mien mond weer spoeld.

Kiek nor de film van “Die van hiernoast”

Dat is woar de bevolking zich over verboast.

Zo kin t ok weer zo as zij t zeggen,

En dat gijt ons gien wiendeier leggen.

Doe de eerste veurzet, t is niet te loat

Dan pas steit Westerketiers weer goed op de koart.

Het is ja aldernoast,

Zo de tied veurbij roast,

Der is gien tied te verspeulen,

Loaten we wat meer met onze toal speulen

Want anders gijt t Westerketiers vot,

Doodzunde is t, t gijt kapot!.

Schrief ien ons dialect

Geft niet t huft niet perfect

Toon dien goeie wil dan snel,

Dan rooien we t soamen wel.

Loat de kiender ok onze toal proaten,

mor holt Nederlands wel goed ien de goaten.

Ok dat gijt hand ien hand,

Steek de kop niet ien t zaand.

Ik reken op jim volgend joor,

Zeggen de andere  schrievers ien koor

Dan blift het tot ien lengte van joaren,

En dan is onze streektoal as herboren.

Mestoverschot.

Het is al weer 'n tiedje leeden, moar t stoat mij nog helder veur de geest. Aan de Kerkweg waren wat nije huuzen bouwd, zogenoamde "Twee onder één kap" Twee blokjes van twee, met garages ien t midden, stief tegen n kander an. Komplete nijïgheid veur ons dörp. Van nije bewoners was er moar één die ien ons dörp opgroeid was, de rest was IMPORT. En wat veur import.

t is haarfst, t is haarfst

de wereld wordt aal geel,

tied van allerzielen en spoeken.

n Heks vlugt leeg op bezemsteel

noar paddestoelen te zoeken.

Veur iegelswientjes male pech

zij leggen alweer ien boskes

platreden bij de weg

strunend noar waarmte, een old bloadernust

mor vienden op t kille asfaalt bloedereg hun rust