Joe bennen hier: Thuus Lees, Kiek en Luuster
Kiek en luuster
Mamme - Aafke Steenhuis

 

Mamme

Mamme ik mis dij zo.
De mais wil niet gruien.
De bloemen willen niet bluien.
De eerappels binnen niks weerd.
De appels kommen om haals.
De pieken kriegen gien vreten.
Ik wiet niet hoe ik leven moet.
Mamme ik mis dij zo.

Mamme ik mis dij zo.
Woarom bist doe uut de tied kommen?
Doar achter t kampke ligstoe nou.
Bij pabbe die aal laang dood is.
Die widde steen, die swaarte steen.
De lammer mekkeren ien e regen.
Ik wiet niet hoe ik leven moet.
Mamme ik mis dij zo.
Meer over: Aafke Steenhuis
 
Postmodern - Koos van der Goot

Post-modern

Wiestoe nog woarst het vinden moest?

Ik wiet het noamlek niet

Ien dizze post-moderne tied

Vremde regels worden op hoest en proest

Veuruutgang t is zeker een mooi streven

Moar stoan we niet gewoon stil

Status quo

En moar blieven hangen

Woar is veuruutgang bleven

Religie mengt met leugens, geld

Wat is dat ien de lucht?

2012, contact

En moar politiek bedrieven

Zo goed is t met ons niet steld

Nu even de rust, weg met de ruus

Geest verandert deur evolutie

Vrede wint het van de ruzie

Regels bennen hier niet meer thuus

Veurbereideng op een nije tied

Alles ien evenwicht en noar wens

Zunder politiek nije denken verblied

Veurstellen: de post-moderne mens

Meer over: Koos van der Goot
 
Oafscheid - Koos van der Goot

Tis goed mien lieve, oogkes dicht
Hest mij van alles geven
Doe moar pop, goan noar`t licht
Ik hol van dij, rest van mien leven
Nog één tuut op dien zachte wang
Het oafscheid doet wat zeer

Moment van liefde `t duurde lang
Moar nou ist op, niet meer
Rust moar uut, ben niet meer bang
Doe bliefst mien mooiste wicht
Met twee vingers streel ik dien wang
En doe dien oogkes dicht
Westpolder (foto Koos & Boukje)

Westpolder (foto Koos & Boukje)

Meer over: Koos van der Goot
 
Uutstapke - Coby Poelman-Duisterwinkel
Met vrijkoarten van de bank
goan ze noar de beurs WONEN,
lopen hiel wat meubels bielangs
zien ok n barg veur spek en bonen.
Op n duur bennen ze t slentern zat,
zien n bekend apperoat,
hemmen wel zin aan vruchtennat.
n Vrouw is drok aan e proat.
Ze kieken begerig tou
hoe ze soep en coctails moaken,
men vernemt al gauw
dat heur de sapkes lekker smoaken.
Ze magen wel even zitten goan,
kriegen nog n moal of wat te pruiven,
blied dat ze nait meer huiven te stoan
zitten ze mmmm met hand te wuiven.
as men denkt dat ze t apperoat kopen,
pinnen ken doar ok as t mot,
zeggen ze as ze verder lopen
dat t eerst even bezinken mot.
Dat ken je ok letterlijk vertoalen,
ze goan vot noa dizze markt
heur apperoat tot kast uuthoalen
want nou wieten ze hoe die warkt!
Meer over: Coby Poelman Duisterwinkel
 
Dreumen - Lucie Pakes
t Was ien joanuaori
en duvels kold ien’t paark.
Zag ik dij toen doar niet lopen?
Doe kwamst van dien waark.
Wiedevoak es aan dij docht,
k zaag die zels aal ien mien dreumen
Ja, wat dee zo’n wichtje doar
allent Ien t paark te kleumen?

Zo verloren ien dijzelf,
leekst de tied vergeten.
Doelloos liepst doar ien de snij
een stuutje vot te eten.
Bij de viever bleefstoe stoan
wat eendjes zwommen ien n wak.
En t gebeurde veur  ik ‘t wist
Da’k zomor mien haand uutstak.

Ik zei: “ kiend schei uut met dat gekleum
ik wil dij wel waarmen.
Ik bin een dreumer, doe bist mien dreum
kom lekker ien mien armen.
Wat dij ok mag bezeghollen,
zo zwoar kin’t toch niet weden.
Aal dien zörgen dreum k veurbij,
dreum ik noar ’t verleden”

En wonder boovm wonder
Is t toen gebeurd
Mien dreum van toen die is uutkommen
En het mien leevm kleurt
’t was ien januaori
Mor’t veurjoar keek om ’t hoekje
Snei wer n rose bloesempraacht
Deur n wicht ien ‘n spiekerbroekje
Meer over: Lucie Pakes
 
Meer artikelen...
<< Start < Vorige 1 2 3 4 5 6 7 8 9 10 Volgende > Einde >>

Pagina 8 van 11