Joe bennen hier: Thuus Lees, Kiek en Luuster Gedichten Westerkertier - Melle Hylkema
Westerkertier - Melle Hylkema
Onder dizze lucht van
brannend blaauw
leeft hier et volk
klein de mensen
geliek et laand
dat schoamteg
kleurt ien gruun

Onder dizze lucht van
weerloos wit
kwient hier de
mens ien e
schare van n eeuweg
vaalse horizon

Onder dizze lucht van
lood offert dit volk
heur onderscheid
aan de god
van elkeneen
en zwiegt heur
toalen dood

Dan starft hier een volk
of verdwient
zunder woorden
zunder arg.
Meer over: Melle Hylkema