Joe bennen hier: Thuus Lees, Kiek en Luuster Gedichten Loena - Koos van der Goot
Loena - Koos van der Goot
luna Foto: Boukje van der Heide

Mien liefste, mysterieuste, bist altied ien de buurt
Doe trekst, dat voel ik ien t woater
Oceoanen, meren, niet roar dast ok mij stuurst
Dien kracht, dat wint vroeger of loater
Op den duur lopt t volledeg uut de hand
Deur dien licht verlies ik mien verstand
Loena, lieve Loena, romantiek ten top
Met zilverglans verandert mien geloat
Gien rem, testosteron, verstand dat holdt hier op
Intieme dans, dien licht tekent over stroat
Nog een leste glimlach – veur ik dij weer mis
Verlopt ien zwaarte nachten, ien trieste duusternis
Meer over: Koos van der Goot