|
Tied vlugt
Wel oller wordt
het der last van
tied holt gien schoft
moar gait veuls te vlug
Je kiender bennen moar eemen klein
as je der niet op verdacht binnen ist al weer veurbij
kieken je ien de spiegel
kommen de rimpels vanzelf
Ze zeggen dat t leeven begunt bij 40
hemmen je doarveur dan niet leeft?
Het begunt bij dag 1
en gait deur tot de leste
Die leste komt
dat is een van de zekerheden van t leeven
Allennig wiet gien mens wanneer
is t vandoag of duurt t nog eemen?
Genieten moenen je
vanoaf dag 1
Stel zuks niet uut
Aans bist te loat
|
|
|
"Nije" schoenen - Coby Poelman Duisterwinkel |
|
Glunderend loopt er deur de kringloop
met n poar schoenen ien de haand.
“Kiek” zegt er ien de loop
en toont heur d onderkaant.
Poeh, echte “pieps” veur n prikje.
Zai knikt hom bewonderend tou
en zugt ien dat ogenblikje
hou wies hai nog is met zien vrouw.
|
Venien, wiek van mij
Venien, ik bezet dij,
Wiek van mij,
Wiek van mij.
De pien, die ik hier vien,
Verdwien pien, verdwien,
As daauw op gras,
As doden ien t graf.
Verdwien pien, verdwien,
As daauw op gras,
As doden ien t graf.
Venien, ik bezet dij.
Wiek van mij,
Wiek van mij.
Ien e noam van e Voader, de Zeun en
de Heilige Geest. |
Schrik
Wat is mie dat schrikken,
Een grode widde slang,
Een slang mit n kroontje op e kop,
n Teuverslang.
De zun braandt.
Ik bin zo ver van huus vandoag.
Het laange wilde gras ien de Mieden
mos ik maaien
mit de zwoag,
en host haar ik die slang
doodhouwen.
Dat was niet best west!
Die slang is vol venien!
Host zat e mij op de hakken!
Wat is de grond week en venig.
Wat n hiete dag vandoag,
de zun braandt.
Ik heb dörst.
Wat is mij dat schrikken.
Woar kin ik drinken vienden?
|
|
Mamme
Mamme ik mis dij zo.
De mais wil niet gruien.
De bloemen willen niet bluien.
De eerappels binnen niks weerd.
De appels kommen om haals.
De pieken kriegen gien vreten.
Ik wiet niet hoe ik leven moet.
Mamme ik mis dij zo.
Mamme ik mis dij zo.
Woarom bist doe uut de tied kommen?
Doar achter t kampke ligstoe nou.
Bij pabbe die aal laang dood is.
Die widde steen, die swaarte steen.
De lammer mekkeren ien e regen.
Ik wiet niet hoe ik leven moet.
Mamme ik mis dij zo.
|
|
|
|
|
<< Start < Vorige 1 2 3 4 5 6 7 8 9 10 Volgende > Einde >>
|
|
Pagina 10 van 13 |
Lees, Kiek en Luuster