Eerste CD (2009) van e band die formeert is rondom Gert Sennema uut Griepskerk. Op de CD 15 nummers van e haand van Gert, met tekstbiedroagen van Melle Hylkema en Reinder Hiemstra. Noast Gert (zang & gitaar) bestijt e band uut Vera Sutman (zang), Roelf Postma (slagwerk, percussie en piano), Jan Ruiter (bas) en Emiel Driesten (dobro, banjo en mondharmonica). Verder bennen der gastspeulers zoas Jan Kuiper, Sjouktje Oosterhof, Arjan van den Boom en Gospelkoor Hosiana uut Moarum.

Op de CD de volgende nummers

Doe

t Enne

Mien haart

Loat mij lös

Zunder zunde

Hilang di tanah

Lest oordeel

t Is zo aans

BX

Miljenair

Home

Reis

Trein

Brug

Noar huus

Op 30 december een presentoatie veur n volle bovenzoal van café Eisseshof ien Nijhoof en ien e eerste week van t nij-joar al Draaischijf van e week op radio Noord, met n live optreden ien t programma de Muziekfabriek.  De nije CD ‘Zo mag t weden’ van ‘Westkanstad’ de groep van Gert Sennema, Vera Sutman, Emiel Driesten, Roelf Postma en Jan Ruiter is goed ontvongen deur t publiek en de media.

Op e CD stoan 15 nummers, meest schreven ien n melancholische, Amerikoanse stijl. De gereformeerde achtergrond van Gert Sennema (tekst&muziek) is dudelek te heuren ien nummers as ‘Zunder zunde’ en ‘t Leste oordeel’, hij bezingt doar op n min of meer satirische menier de ‘dingen des levens’. Verder stoan der een poar nummers op die schreven binnen veur de SWET veurstellings ien Nuus en Zuudhörn  ‘Hilang di tanah’ en ‘De brug”.

‘Hilang di tanah’(verdronken ien et laand) is n tekst van Melle Hijlkema en Reinder W. Hiemstra en wordt zongen deur Vera Sutman en t Moluks gospelkoor Hosiana uut Moarum.

t Lied oademt een sfeer uut van wenst en berusting met prachtig percussie-waark van Roelf Postma.  ‘De Brug’ wordt zongen deur Vera Sutman, ten tiede van de veurstelling ien Zuudhörn is der n videoclip van moakt die regelmoateg veur TV-Noord te zien was.

Ien t nummer ‘Trein’ speult Emiel Driesten op n geweldege menier op zien mondharmonica hij loat de trein komen en goan van Griepskerk noar Stad.

Onder alle nummers heur je de basgitaar van  Jan Ruiter, rusteg en bedoard, elk nummer die donkere klank metgeven.  Kopen!

<met dank aan Alie de Vries>