|
|
|
|
Vannijs : Jannewoarie 2023 Nr 01
|
Veul heil en zegen ien t nije joar, dat zeden we as kiend altied tegen mekoar. As ik hoast had, dan was t "zegend nijjoar". Jammergenog is t wat ien onbruuk roakt mor veur mij klinkt et nog altied beter dan "de beste wensen". Mien Westerkwartier is van plan om der weer n mooi joar van te moaken. We willen as t lukt 8 keer de Vannijs uutbrengen en de vertellers goan vast weer voak op pad. Doarnoast organiseren we workshops 'Proaten en schrieven ien t Westerkwartiers'. Proaten veur minsen die t proaten leren willen of onderholden en t schrieven veur degene die dat onder de knij kriegen wil. Eén van de doelen is om zoveul mogelek kiender te betrekken bij et Westerkwartiers. Der is n Grunningstoalege app veur kiender ontwikkelt die wij omtoalen willen noar t Westerkwartiers.
|
Nije ideeën vragt ok om nije minsen. Eelke Solle nimt noa hiel wat joaren ofschied as puutholder gelukkeg nimt Leneke Struiksma et stokje van hum over en Hennie van der Laan komt et bestuur ok verstarken. Welkom wichter, wij binnen der bliede met!
|
Veul plezier met dizze Vannijs
|
Jan Hut (Veurzitter)
|
|
|
|
|
Nij joar met nije gezichten
|
|
|
Mien Westerkwartier start 2023 met n poar nije gezichten ien et bestuur. Puutholler Eelke Solle hangt noa veule joaren trouwe dienst zien rekenmachine aan e wilgen. Noamens Mien Westerkwartier en Kom op Verhoal bedanken we Eelke veur zien nauwkeurege waark, woarbij onze belangen altied goed ien e goaten holden werden. Eelke zien toak wordt overnommen deur Leneke Struiksma uut e …
|
|
|
|
|
|
De Mien Westerkwartier-podcast wil verder
|
|
|
Ien 2023 hemmen we as proef een podcast ien et Westerkwartiers moakt rondom de verkiezing van Zeuvenhuzen as 't Leukste Dorp van Groningen'. Het werd n mooi gesprek over een biezundere periode ien dat dörp. Dat doen we soamen met de minsen van e 'Stichting Ommelander Media Collectief' die over de apparatuur beschikken en veul ervoaring hemmen met et opnimmen …
|
|
|
|
|
|
Toaltied - t Nij-joar- Tonko Ufkes
|
|
|
Ien dizze ‘Vannijs‘ stijt n foto met doarop “Veul zegen ien t Nijjoar”. t Is n foto moakt vlak bij Noorddiek mor de woorden passen ok overal ien t Westerketier. Voak spellen we “Nij-joar” vanwegen t woordbeeld: as noa de ‘lange ij’ meteen de letter ‘j’ komt, zigt dat der vremd uut en wordt t makkelk verkeerd uutsproken. Vandoar dus …
|
|
|
|
|
|
Jannewoarie-krachten ... - Jelte Dijkstra (Gruupskerk 1879-Stad 1946)
|
|
|
Heur hoe t bollert; heur het suzen
Deur die wilgen, swaart en krom;
Heur t om dörp en ploatsen bruzen…
Alles steit nou baang en stom!
|
t Veld van vurgen het gien ende,
Greiden leggen bloot en dood;
t Heer van wolken, wilde bende,
Kent van laand en volk gien nood.
|
Dreun moar op, de buien roaveln
En versnieden t hooge blauw,
Of zij t heilg áál verkoaveln
Ien wat reepen met heur klauw.
|
Heur hoe t bollert; heur wat krachten
Gieseln t veld met heur geweld;
Wiend ken mensenmacht verachten:
Hij is groot - niks aanners telt.
|
|
|
|
|
|
Ben Wijnholds en Henk de Weerd binnen stopt met e waarkzoamheden rondom et Grunneger tiedschrift Kreuze. Der binnen nog gien nije veuruutzichten of dit unieke digitoale Grunneger tiedschrift aktief blift. Mogt er definitief n ìnne kommen aan Kreuze, dan zel de webstee veurlopeg nog stoanblieven. Op de thuusbladzie binnen nou indexliesten zet, doar je op noam van de schrievers alle …
|
|
|
|
|
|
Verder kieken ....
|
Der is vanzelf veul meer te lezen en te kieken over de streektoal van Grunnen en ver doarbuten.
Nim es n kiekje op één van dizze websites:
|
|
|
|
|
|
|
Foto: Omke Oudeman
|
Vannijs is de nijsbrief van Stichting Mien Westerkwartier
|
Alie de Vries
Geert Zijlstra
|
Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee.
Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
|
|
|
|
|
|
|
|
